CANDIDATURA

Coñece as mulleres e homes que forman parte da candidatura de Esquerda Unida para as vindeiras Eleccións Locais do 26 de maio.

Para que O Grove avance.

1- JOSE ANTONIO OTERO GONZALEZ

39 anos.

Técnico de Electrónica de Consumo. Empregado nun comercio de electricidade e electrodomésticos local. 
Actual concelleiro de EU na corporación municipal xunto con Juan Lamelas. Comezou a súa andaina política en 1999 nas Xuventudes Comunistas. Dende novembro do 2017 é o Coordinador Local de Esquerda Unida. Participou en candidaturas dende o 2003.
Colabora e participa en diferentes colectivos sociais, culturais, deportivos e educativos.

2- ANA CRISTINA DOMINGUEZ DOMINGUEZ

38 anos.

Empregada de Perruquería. Cursa estudos de Xestión Administrativa. 
Pertence á coordinadora local de Esquerda Unida e dende novembro de 2017 é a responsable local da Área de Muller de EU, representando á formación esquerdista no Consello Local da Igualdade. 
Participa no movemento feminista comarcal e no tecido cultural a través de grupo de baile Paradanda e do grupo de Teatro Mecos.

3- JUAN LAMELAS ALFONSO

37 anos.

Empregado da Hostalería. Ex-coordinador local de Esquerda Unida e membro da actual coordinadora local. Actual concelleiro de EU na corporación municipal xunto con José A. Otero. Encabezou a candidatura de EU no 2007 e 2015. Concelleiro nos anos 2007 a 2011, 2013 a 2015 e 2015 a 2019. Concelleiro de Formación e Emprego, Perosal e Xuventude durante o mandato 2007-11. Vinculado ao Partido Comunista participa en diferentes loitas sociais dende que iniciou a súa militancia no movemento estudantil.

4- SUSANA MILLAN PROL

38 anos.

Diplomada en Turismo. Máster en Dirección e Xestión en Actividades Turísticas. Na actualidade cursa un Máster de Planificación e Xestión de Destinos e Produtos Turísticos na UDC logo de recibir a Bolsa Excelencia Mocidade Exterior tras case 6 anos traballando en Hamburgo.

5- JOSE ANTONIO GONDAR TRIÑANES

58 anos.

Pensionista. Membro da coordinadora local de Esquerda Unida. Membro da executiva da Unión Comarcal de Arousa de Pensionistas e Xubilados de CCOO. Ex-membro do Consello Nacional de Galicia de Pensionistas e Xubilados de CCOO. Activista en defensa das Pensións Públicas.

6- MARIA ISABEL MONTENEGRO FONTOIRA

63 anos.

Camareira de Pisos. Activista en defensa dos dereitos das Camareiras de Piso a través da asociación Kellys Unión Galicia. Participou como poñente na xornada “A Loita das mulleres no marco do mercado laboral: dereitos e empoderamento no sector turístico” no Parlamento Europeo.

7- DAVID GONDAR PRIETO

35 anos

Empregado da Hostalería dende hai dezanove anos, ostentando cargos de responsabilidade; metre de hotel ou xefe de restauración. Ligado a movementos sociais e culturais. Membro da coordinadora local de Esquerda Unida.

8- PATRICIA VILAR PEREZ

43 anos.

Mestra de castelán para estranxeiros nunha academia local. Imparte clases de apoio en Matemáticas e Física e Química. Cursou estudos de Física, Meteoroloxía e Medio Ambiente.

9- EDUARDO GARCÍA IGLESIAS

38 anos.

Enfermeiro Interino no Sergas. Diplomado universitario en Enfermería. Colabora e participa en plataformas en Defensa da Sanidade Pública.

10- JUDIT TRIÑANES LOIS

39 anos.

Empregada da Conserva e a Hostalería.
Simpatizante de Esquerda Unida, é a súa segunda participación nunha candidatura logo de formar da mesma nas eleccións do 2015. 

11- SONIA GONDAR GONDAR

35 anos.

Socióloga. Opositora. Conta con experiencia como socióloga e en investigación de mercados e opinión pública. Formación especializada en docencia, migracións internacionais, igualdade, voluntariado e novas tecnoloxías. Diplomada en Estudos Avanzados en Doutorado de Socioloxía pola UDC.

Pertence á coordinadora local de Esquerda Unida. Participou por primeira vez na candidatura no 2015.

12- FRANCISCO MIGUEZ GUILLAN

46 anos.

Empregado da conserva. Forma parte varios colectivos musicais e deportivos.
Formou parte da candidatura por primeria vez nas eleccións 2015.

13- ANA ISABEL VISO VAZQUEZ

64 anos.

Autónoma xubilada. Participa activamente en Artegrove onde ostenta o cargo de secretaria. Colaboradora do Banco de Alimentos Rías Baixas. Socia do Colectivo Ecoloxista do Salnés.
Pertence á coordinadora local de Esquerda Unida e representou a organización no Consello Local da Igualdade.

14- JOSE ANTONIO TABOADA MAGDALENA

65 anos.

Xubilado, traballou no Casino La Toja, formando parte do comité de empresa por CCOO. Presentouse como candidato á Alcaldía en 1999 e 2011, resultando concelleiro electo na última ocasión. Renunciou á acta a finais do 2012 sendo substituído por Juan Lamelas. Tamén foi concelleiro no mandato 2003-2007 substituíndo a Xan Caneda. Membro da coordinadora local de Esquerda Unida.

15- MARIA CARMEN GONDAR TORRES

67 anos.

Pensionista. Pertence á executiva da Unión Comarcal de Arousa de Pensionistas e Xubilad@s de CCOO ostentando o cargo de responsable da área de muller. Representante de CCOO no Consello Local da Igualdade.

16- AMELIA SOUTULLO FIGUEIRO

44 anos.

Técnica Superior en Dietética.
Participou en candidaturas de Esquerda Unida dende o 95.

17- JOSE MANUEL BOULLOSA PRIETO
64 anos.

Pensionista.

S1- MARIA LEONOR SOILAN CALVO

78 anos. 
Mestra xubilada. Concelleira no mandato 2003-2007 xunto con Xan Caneda.
Militante de Esquerda Unida.

S2- ELVIRA VARELA GONDAR

74 anos

Xubilada.

S3- GONZALO BEA MONTENEGRO

39 anos.
Empregado da Hostalería, desempeñando a labor en diversos hoteis de catro estrelas e chegando a ser segundo xefe de recepción. Rexentou un negocio de copas en Barcelona.
Participou en varias ocasión no Comité de Empresa.  Militante de Esquerda Unida exerceu como responsable local de Organización.